Direction des services départementaux de l'éducation nationale de la Haute Corse

Projet PÉDAGOGIQUE INTERDISCIPLINAIRE en Langue Corse : L'ORTU

Cuncipitu à l’iniziu da e duie cunsigliere pedagogiche di Corti Pasqualina Pergola è Marie – thé Tomasi, u prugettu Ortu hè statu prupostu à e duie circuscrizzione di Bastia è à quella di Cervione.

Ogettivu : Prupone un puntellu cumunu à e scole di u circundariu in u duminiu di a lingua corsa. U puntellu sceltu hè : l’ORTU.
L’intrata in u prugettu hè à livellu linguisticu.



L'ALBOMI

Projet PÉDAGOGIQUE INTERDISCIPLINAIRE en Langue Corse : L'ORTU
E scole ch’anu participatu anu travagliatu à partesi d’albomi tradutti in lingua corsa.
Ciculu I :
- Quale hè chì si piatta in l’ortu ? Ed. Milan
- U secretu. Eric Battut
Ciculu II:
- Una granella chjuca chjuca. Eric Carle
- Tamanta carotta Alan Mets
Ciculu III
- E fole di l’ortu Dominique Memmi
- E zucche maiò di u Messicu Magnard

Perchè u puntellu di l’ortu ?

Projet PÉDAGOGIQUE INTERDISCIPLINAIRE en Langue Corse : L'ORTU
- L’attività urtulane sò attività tradiziunale ind’è noi.
- Fà l’ortu hè una scola d’urganizazione, di regularità, di strutturazione è di pacienza chì porta à piglià in contu u travagliu attempu individuale è cullettivu. Amparanu i zitelli à rispunsabbilizassi è ancu à fà per u megliu in tutte e situazione (quelle chì ùn si ponu ammaestrà cum’è u tempu per un dettu…)
- Fà l’ortu permette di mette in pratica attitudine di cuuperazione per sbuccà nantu à u piacè di fà inseme.
- Hè un arnese di primura chì ci face capì cumu gestisce u spaziu è u tempu.
- Per i zitelli di e cità hè un mezu di ritruvà una leia cù a terra.

Ogettivi pedagogichi :

Projet PÉDAGOGIQUE INTERDISCIPLINAIRE en Langue Corse : L'ORTU
- Permette à i zitelli di custruì a so citadinanza ind’è u rispettu è a cunniscenza di a natura.
- Permette à i zitelli d’osservà, di fà cresce, di ghjucà, d’agisce, di creà, di fabricà, di tuccà, di paspà (di tastà, assaghjà), di cumunicà, d’aiutassi, d’amparà…
- Permette di sviluppà a dimarchja scentifica (scopre è sperimentà)
- Permette d’aduprà stu puntellu in u duminiu di a maestria di a lingua (letture di fole, riscrittura teatrale, resi conti, ricette…)
- Permette d’entre in attività d’analisi, di pruduzzione artistiche varie (arte plastiche ; cantu ; teatru ; ballu…)
- Permette di fà a leia trà e pratiche oghjinche è quelle di i tempi fà o ancu quelle d’altrò (da induve vene u pomidoru ? …)  u pesu ecunomicu di l’ortu è a leia cù l’acqua.

A participazione in BASTIA - 2012

Projet PÉDAGOGIQUE INTERDISCIPLINAIRE en Langue Corse : L'ORTU
Per e duie circuscrizzione di Bastia una quindecina di scole anu participatu :
e scole di pinetu Marana, Borgu Marana, Borgu Rivincu materna è elementaria, Biguglia T.Massoni materna è elementaria, Biguglia Vincentellu d’Istria materna, Furiani materna è elementaria.
In Bastia: AB Defendini materna è elementaria, Subissi materna è elementariu, M.Reynoard materna, Camapanari materna, Cardu.
E scole di e Ville di Petrabugnu T.Braccini, è di Luri.

Sò state 40 e classe à avè travagliatu in parechje discipline nantu à stu tema di l’ortu.
U prugettu hè sbuccatu nantu à una mostra di travaglii zitellini à u Museu di Bastia. Ogni scola hà purtatu cavagne, piantazione, quaterni di scenze, conti resi di sperienze, pruduzione artistiche, pruduzione di scrittu, canti, puesia……..
A millaia di sculari impegnati in stu prugettu anu pussutu scopre tuttu stu travagliu in a corte di u Museu di Bastia tra u 5 à l’8 di ghjugnu in u quatru di a settimana di a lingua organizata da a Cullettività Territuriale.

Ringraziemu l’elevi è i so maestri per u so travagliu è u so impegnu in stu prugettu.
À ringrazià à Pasquale Antonetti, Jean-Do Panicali, Henri Patrizi, Anne – Marie Amoretti per u so aitu di pettu à a rializazione , l’aiutu à e scole, u cuntinuu di u prugettu è e so intervenzione ind’è l’animazione pedagogiche.
Ringraziamenti dinù à :
Jeannine Vittori per l’animazione pedagogiche è sopratuttu per a rializazione di u tappettu tamantu à partesi di u studiu di i tappetti turchi « Hereke ».
Marie – Héléne Giuly per a so accolta à u Museu, a so participazione ind’è scole nantu à u tema di l’ortu ind’a cità è per a realizazione di a mostra.


Pensemu di cuntiunà annu chì vene.

Mattea lacave : Cunsigliera pedagogica di lingua è cultura corsa, Bastia 2

Sciences.ia2b
Vendredi 15 Juin 2012
Lu 1117 fois





Sciences.ia2b

Maîtrise de la langue | Mathématiques | Portail des Sciences | Education artistique et culturelle | La Langue et la Culture Corses | L'EPS | Evaluation, projet | Actualité | Sécurité routière